Стварэнне Свята-Мікольскага манастыра адносіцца да першай паловы XVII стагоддзя. Да канца XVIII стагоддзя на яго тэрыторыі склаўся архітэктурны комплекс, які ўключае ў сябе Нікольскі сабор, Свята-Ануфрыеўскую царкву, жылыя пабудовы, званіцу.
Да 1934 года цэрквы манастыра былі зачыненыя. У 1936-1941 гадах у Мікольскім саборы размяшчалася перасыльная турма, з 1946 года – кніжная база. З сярэдзіны 1950-х гадоў у манастырскім комплексе пачаліся рэстаўрацыйныя работы, якія з перапынкамі праводзіліся да канца 1980-х гадоў, аднак так і не прывялі да паўнавартаснага аднаўлення помніка архітэктуры.
Пасля аднаўлення дзейнасці Магілёўскай епархіі, у 1989-1991 гадах пачалося адраджэнне Свята-Мікольскага жаночага манастыра. Зараз манастыр цалкам адноўлены і добраўпарадкаваны. Комплекс унесены ЮНЕСКА ў рэестр найбольш каштоўных збудаванняў Еўропы ў стылі барока, з’яўляецца адным з рэлігійных і турыстычных цэнтраў Магілёўшчыны.
ГАМог. С. 11 Ап.5 Д. 67 Л. 171
