Прынята рашэнне выканаўчага камітэта Магілёўскага гарадскога Савета народных дэпутатаў ад 7 студзеня 1988 года № 8-31 ” Аб зацвярджэнні акта Дзяржаўнай камісіі па прыёмцы ў эксплуатацыю пажарнага дэпо на 8 аўтамашын па вул. Лазарэнкі ў г. Магілёве»

Першая гарадская пажарная каманда з’явілася ў Магілёве ў 1853 годзе. У 1895 годзе ў горадзе было створана вольнае пажарнае таварыства. У перыяд існавання Савецкага Саюза гарадская пажарная ахова функцыянавала ў сістэме НКУС (МУС) БССР. У 1994 годзе ў Беларусі ўтварылася Міністэрства па надзвычайных сітуацыях (МНС). Адной з галоўных задач супрацоўнікаў МНС, пераемніка пажарнай аховы, з’яўляецца папярэджанне і ліквідацыя пажараў.

Па меры росту колькасці насельніцтва і развіцця прамысловасці ў Магілёве, удасканальвалася і пажарна-выратавальная служба. Прадстаўлены архіўны дакумент прысвечаны адкрыццю ў горадзе новага пажарнага дэпо, дзе размясцілася пажарная Частка № 1, а цяпер знаходзіцца ўстанова «Магілёўскае абласное ўпраўленне Міністэрства па надзвычайных сітуацыях Рэспублікі Беларусь».

Павялічыць

Рашэнне выканаўчага камітэта Магілёўскага гарадскога Савета народных дэпутатаў ад 7 студзеня 1988 года № 8-31 ” Аб зацвярджэнні акта Дзяржаўнай камісіі па прыёмцы ў эксплуатацыю пажарнага дэпо на 8 аўтамашын па вул. Лазарэнкі ў г. Магілёве» ГАМог. С. 11 Ап.5, Д. 1381, Л. 123 Машынапіс